Friday, May 17, 2024

white sugar:வெள்ளை சர்க்கரை சாப்பிடுவதை ஒரு மாதம் நிறுத்தினால் உடம்புக்குள் இதெல்லாம் நடக்குமாம்.

by Talks Tamil
0 comment 305 views

சுத்திகரிக்கப்பட்ட சர்க்கரைகளுக்கும் இயற்கை சர்க்கரைகளுக்கும் வித்தியாசம் உள்ளது என்பதை தெரிந்து கொள்ளுங்கள். சர்க்கரை

உப்பில்லா பண்டம் குப்பையில்லே என்பது நம் வாழ்வு சுவைக்கு எவ்வளவு அடிமை என்பதை விளக்கும் ஒரு நிகழ்வாகும். சுவைக்கும் நமக்குமான உறவை நோய்கள் வந்து மெல்ல மெல்ல நம்மிடமிருந்து விலக்கி வைக்கும். ஆனால் அப்படியான நோய்கள் நம்மை தாக்குவதே சுவையால் தான் என்பதை நம்மால் எளிதில் நம்ப முடியாதது.

உணவுப் பொருட்கள் எந்த அளவுக்கு நம் உடலில் தாக்கத்தை ஏற்படுத்துகிறதோ அந்த அளவுக்கு சுவைகளும் பாதிப்புக்கு காரணமாக அமைகிறது. குறிப்பாக இனிப்பு சுவைக் கொண்ட சர்க்கரையை சாப்பிடுவதை நிறுத்தும்போது நமது உடலில் நடக்கும் 5 மாற்றங்கள் குறித்து நாம் இக்கட்டுரையில் காண்போம்.

இயற்கையான இனிப்புகள்

நம்முடைய முன்னோர்கள் காலத்தில் இயற்கையாகவே கிடைக்கும் கருப்பட்டி, வெல்லம் ஆகியவற்றால் செய்யப்பட்ட உணவுப் பொருள்களை உண்டு வந்ததால் உடலும் ஆரோக்கியமாக இருந்தது நோய்களும் அவ்வளவு எளிதில் நம்மை சீண்டாமல் இருந்தது. ஆனால் காலங்கள் மாற மாற சந்தைகளில் ஏற்பட்ட போட்டியாலும் நவீன வளர்ச்சியாலும் கரும்பிலிருந்து பெறப்படும் சர்க்கரை கெமிக்கல்கள் சேர்க்கப்பட்டு வெள்ளை சர்க்கரையாக மாற்றப்படுகிறது.

எங்கு சென்றாலும் வெள்ளை சர்க்கரை தான் நம்மை ஆக்கிரமித்திருக்கின்றன. இந்தியாவில் இத்தகைய வெள்ளை சர்க்கரையால் பல பேர் நீரிழிவு நோயால் பாதிப்படைந்துள்ளனர். இன்று அதே நிலைமை மாறி நாட்டுச் சர்க்கரை பக்கம் நாம் சென்றாலும் அங்கும் இயற்கை என்ற ஒன்றே சுத்தமாக இல்லாமலபோய்விட்டது.

​வெள்ளை சர்க்கரை

நிச்சயம் நாம் அனைவருமே சர்க்கரைக்கு அடிமையான நபர்கள்தான். காலையில் காபி தொடங்கி இரவு குடிக்கும் பால் முதல் கொண்டு நாம் சர்க்கரை தான் பயன்படுத்துகிறோம். இடையில் நாம் சாப்பிடும் சாக்லேட்டுகள், குளிர்பானங்கள் போன்றவற்றில் சேர்க்கப்படும் சர்க்கரை என இதனை ஒரு நாள் இல்லாமல் நம்மால் அவ்வளவு எளிதில் கடந்து போக முடியாது.

ஆனால் சர்க்கரையில் இனிப்பைத் தவிர வேறு எந்த ஊட்டச்சத்துக்களும் கிடைப்பதில்லை என்பதால் இதனை சிறிது சிறிதாக நாம் நிறுத்துவதற்கு கண்டிப்பாக முயற்சி எடுக்க வேண்டும்.

இல்லாவிட்டால் உடல் பருமன், நீரிழிவு, இதய நோய்கள்,கண் பார்வை பாதிப்பு மற்றும் பல் சிதைவு உள்ளிட்ட பல கடுமையான உடல்நலப் பிரச்சினைகளுக்கு வழிவகுக்கும்.

​எப்படி நிறுத்தலாம்

நம்முடைய உடல் ஆரோக்கியத்திற்கு வெறும் கலோரிகளைக் கொண்ட உணவுப் பொருள்களை மட்டுமே தேர்வு செய்ய கூடாது. அதில் உள்ள சர்க்கரையின் அளவையும் பார்த்து எடுக்க வேண்டும் என ஊட்டச்சத்து நிபுணர்கள் தெரிவிக்கின்றனர்.

பசி எடுக்கும் நேரத்தில் நம்மில் பலரும் ஜூஸ், கார்பனேட்டட் பானங்கள், பாட்டில்களில் அடைக்கப்படும் இனிப்பு சுவையூட்டிய பழச்சாறு போன்றவற்றை குடிக்க முற்படுவோம்.

இவற்றிற்கு பதிலாக தண்ணீர் அல்லது இயற்கையான இனிப்புச் சுவைக் கொண்ட பழங்கள், காய்கறிகள், பானங்கள் ஆகியவற்றை சாப்பிடலாம். அப்படி இல்லாத பட்சத்தில் ஜூஸில் சர்க்கரை சேர்ப்பதை தவிர்த்து விடலாம்.

குறிப்பாக காலை உணவை தவிர்க்க கூடாது. இது உடலில் சர்க்கரை அளவை குறைத்து சோர்வை உண்டாக்கி நம்மை இனிப்பு உணவுகளின் மேல் நாட்டம் போக வைக்கும். அதோடு கீழ்வரும் மாற்றங்கள் எல்லாம் உடலில் ஏற்படும.

​சருமத்தை இளமையாக வைத்திருக்கும்

முகப்பரு பிரச்சனைகளுக்கு சர்க்கரை உணவே முதன்மையான காரணமாகும். இது கிளைக்கோஜனை ஏற்படுத்தி கொலாஜன் மற்றும் எலாஸ்டின் உற்பத்தியை சிதைக்கிறது.

இவை இரண்டும் தான் நம்முடைய சருமத்தை இளைமையாக வைத்திருக்க உதவுகிறது. சர்க்கரை சாப்பிவதை நிறுத்துவதன் மூலம் உங்கள் நிறம் மேம்படுவதோடு, சரும சுருக்கங்கள் போன்ற சருமம் சார்ந்த பாதிப்புகளுக்கும் தீர்வு கிடைக்கிறது.

​உடலை சுறுசுறுப்பாக வைக்கிறது

சர்க்கரையை குறைப்பது அழற்சி எதிர்ப்பு உணவுகளில் சிறந்த ஒன்றாகும். நமது உடலில் நீண்ட நாட்களாக பிரச்சனையை ஏற்படுத்தும் அழற்சியை சரி செய்ய சர்க்கரை பயன்பாட்டை நிறுத்தலாம்.

நீங்கள் சர்க்கரை உட்கொள்வதைக் குறைக்கத் தொடங்கும் போது முதல் சில நாட்களில் உடல் சோர்வு, தலைவலி, மனச்சோர்வு, எரிச்சல் போன்றவற்றை உணரலாம்.

சர்க்கரை குறைப்பானது உடலில் குளுக்கோஸ், டோபமைன் மற்றும் செரோடோனின் அளவை சரி செய்கிறது. இதனால் உங்கள் ஆற்றல் மேம்படத் தொடங்கி உடலானது சுறுசுறுப்பாக இருக்கும்.

​மன ஆரோக்கியத்தை மேம்படுத்தும்

மனநலப் பிரச்சினைகளுடன் போராடுபவர்கள் சர்க்கரை அதிகம் உள்ள உணவுகள் அதிக அளவு மனச்சோர்வு மற்றும் பதட்டத்துடன் தொடர்புடையவை என்பதால் அதனை நிறுத்த வேண்டும்.

இதனால் எந்த பலனும் கிடைக்கப் போவதில்லை. அதேபோல் தூக்கமின்மைக்கு முக்கிய காரணிகளில் ஒன்றாக சர்க்கரை உள்ளது.

இத்தகைய உணவுகளை குறைப்பதன் மூலம் தூக்கத்தின் தரத்தை ஒட்டுமொத்தமாக மேம்படுவதோடு ஆழ்ந்த உறக்க நிலைக்கு நம்மை அழைத்துச் செல்லும்.

​எடை குறையும்

உங்கள் உணவில் இருந்து சர்க்கரையைத் தவிர்ப்பது விரைவான எடை இழப்புக்கு வழிவகுக்கும். ஒரு டீஸ்பூன் சர்க்கரையில் 16 கலோரிகள் உள்ளது.

அன்றாட உணவில் இருந்து 10 டீஸ்பூன் சர்க்கரை அளவை குறைக்கும்போது இயற்கையாகவே கலோரிகளின் அளவு குறைந்து எடை குறைகிறது. ஆய்வு முடிவுகளின் படி ஒரு கிலோ எடையை குறைக்க 3500 கலோரிகளை எரிக்க வேண்டும் என சொல்லப்படும் நிலையில் அதில் பாதியை சர்க்கரையே செய்து விடும்.

​நீரிழிவு நோயை கட்டுப்படுத்தும்

சர்க்கரை சாப்பிடுவதால் நேரடியாக நீரிழிவு நோய் ஏற்படுவதாக நாம் நினைக்கிறோம். ஆனால் அது ரத்தத்தத்தில் இன்சுலின் அளவை அதிகரிக்கும்போது உடல் பருமன் ஏற்படுகிறது.

இது நீரிழிவு நோய்க்கு வழி வகுக்கிறது. சர்க்கரை அதிகம் உள்ள உணவுகள் உயர் இரத்த சர்க்கரை அளவு மற்றும் இன்சுலின் எதிர்ப்பு ஆகியவற்றுடன் தொடர்பு கொண்டது என்பதால் இதனை தவிர்ப்பது நல்லது.

Subscribe
Notify of
0 Comments
Inline Feedbacks
View all comments
0
Would love your thoughts, please comment.x
()
x