Friday, May 17, 2024

5வது ஆண்டில் முத்துவேல் கருணாநிதி ஸ்டாலின்… திமுக தலைவரும், நெடிய அரசியலும்!

by Talks Tamil
0 comment 209 views

திமுக தலைவராக பொறுப்பேற்று 4 ஆண்டுகளை நிறைவு செய்து, இன்றைய தினம் 5வது ஆண்டில் காலடி எடுத்து வைத்துள்ளார் மு.க.ஸ்டாலின்.

ஹைலைட்ஸ்:

  • திராவிட முன்னேற்றக் கழகத்தின் தலைவராக 5வது ஆண்டில் மு.க.ஸ்டாலின்
  • அண்ணா, கலைஞர் நினைவிடங்களுக்கு சென்று மரியாதை செலுத்தினார்
  • பல்வேறு கட்சி தலைவர்களும் ஸ்டாலினுக்கு வாழ்த்து தெரிவித்து வருகின்றனர்

முதல்வர் மு.க.ஸ்டாலின் அவர்கள் திராவிட முன்னேற்றக் கழகத்தின் தலைவராக நான்கு ஆண்டுகளை நிறைவு செய்திருக்கிறார். இன்றைய தினம் 5வது ஆண்டில் காலடி எடுத்து வைத்துள்ளார். இதையொட்டி பலரும் வாழ்த்து தெரிவித்து வருகின்றனர். 14 வயதில் பள்ளி மாணவராக அரசியல் ஆழம் பார்த்திட களமிறங்கிய ஸ்டாலின், இன்று தமிழகத்தின் முதல்வர் என்ற மாபெரும் அரியணையை அலங்கரித்துக் கொண்டிருக்கிறார். கோபாலபுரம் இளைஞர் திமுகவில் தொடங்கி திமுக தலைவர் என்ற உயரிய நிலையை அடையும் வரை ஸ்டாலினின் அரசியல் பயணம் மிகவும் நீண்டது. இவர் செய்த பணிகள், வகித்த பதவிகள், சந்தித்த சிரமங்கள் ஏராளம். 1949ஆம் ஆண்டு செப்டம்பர் 17 அன்று அறிஞர் அண்ணா தோற்றுவித்த திராவிட முன்னேற்ற கழகம் விரைவில் 73ஆம் ஆண்டை தொடப் போகிறது.

திமுகவின் தொடக்கக் காலங்களில் அறிஞர் அண்ணாவின் பேச்சும், முத்தமிழர் கலைஞர் கருணாநிதியின் எழுத்தும் போர்வாள் போன்று அளப்பறிய பங்காற்றின. தமிழகம் முழுவதும் பொதுக் கூட்டங்கள், பேரணிகள், போராட்டங்கள் என பல்வேறு விஷயங்களை முன்னெடுத்து சமூக நீதிக்கான பயணத்தை சிறப்பான முறையில் செதுக்கினர். 1969ல் அண்ணா மறைந்த போது அடுத்த திமுக தலைவர் யார்? தமிழகத்தின் முதல்வர் யார்? என்பதில் கருணாநிதிக்கும், நெடுஞ்செழியனுக்கும் இடையில் கடும் போட்டி நிலவியது. அப்போது தந்தை பெரியாரே முன்வந்து கருணாநிதியை முன்னிலைப்படுத்தினார். பின்னர் ஆட்சி சிம்மாசனத்தில் அமருவதற்கு கருணாநிதி தேர்வு செய்யப்பட கட்சியும் அவர் வசம் வந்தது.

Subscribe
Notify of
0 Comments
Inline Feedbacks
View all comments
0
Would love your thoughts, please comment.x
()
x