Thursday, May 16, 2024

வீட்டு வாடகைக்கு ஜிஎஸ்டி.. யாரெல்லாம் கட்டணும்?

by Talks Tamil
0 comment 265 views

கடந்த ஜூன் 29ஆம் தேதி ஜிஎஸ்டி கவுன்சில் கூட்டம் நடைபெற்றது. இதில் வரி திருத்தம், புதிதாக சில பொருட்களுக்கு வரி விதிப்பு உள்ளிட்ட பல்வேறு முடிவுகள் எடுக்கப்பட்டன. இந்த முடிவுகள் ஜூலை 18ஆம் தேதி முதல் அமல்படுத்தப்பட்டன.

இந்நிலையில், வீட்டு வாடகைக்கு ஜிஎஸ்டி விதிக்கும் விதிமுறையும் ஜூலை 18ஆம் தேதி முதல் அமல்படுத்தப்பட்டுள்ளதாக தகவல் வெளியாகியுள்ளது. இதன்படி யாரெல்லாம் வீட்டு வாடகைக்கு ஜிஎஸ்டி செலுத்த வேண்டும்?

சம்பளத்துக்கு வேலை செய்யும் ஊழியர்கள் வாடகைக்கு வீடு எடுத்து தங்கியிருந்தால், அவகளுக்கு ஜிஎஸ்டி இல்லை. எனினும், ஜிஎஸ்டியின் கீழ் பதிவு செய்துகொண்ட நபர்கள், அதாவது தொழில் செய்பவர்கள் மட்டுமே ஜிஎஸ்டி செலுத்த வேண்டும்.

இதற்கு முன் அலுவலக இடங்கள், வர்த்தக இடங்கள் போன்றவற்றுக்கான வாடகை தொகைக்கு மட்டுமே ஜிஎஸ்டி விதிக்கப்பட்டு வந்தது. வீடு குத்தகைக்கு எடுத்திருந்தால் அதற்கு எந்தவொரு வரியும் கிடையாது. ஜூன் மாதம் நடைபெற்ற ஜிஎஸ்டி கவுன்சில் கூட்டத்தில் வழங்கப்பட்ட பரிந்துரைகளின் அடிப்படையில் வீட்டு வாடகைக்கு ஜிஎஸ்டி விதிக்க முடிவு செய்யப்பட்டுள்ளது.

எனினும், இனி வீட்டு வாடகை தொகைக்கும், வீடு குத்தகை எடுத்திருந்தால் அதற்கும் ஜிஎஸ்டி விதிக்கப்படும். வீடு வாடகைக்கு எடுக்கும் நபர்தான் ஜிஎஸ்டி செலுத்த வேண்டும். வீட்டு உரிமையாளருக்கு வரி கிடையாது.

இந்த புதிய விதிமுறை யாருக்கு பொருந்தும்?

ஜிஎஸ்டியில் பதிவு செய்தவர்களுக்கு மட்டுமே வீட்டு வாடகைக்கு ஜிஎஸ்டி விதிக்கப்படும். அதாவது, பொதுவாக அலுவலக இடங்கள், வர்த்தக இடங்களில் அல்லாமல் வீடுகளை வாடகைக்கு எடுத்து தொழில் நிறுவனம் அல்லது வியாபாரம் செய்பவர்கள் உண்டு.

இவர்கள் இதுவரை ஜிஎஸ்டி செலுத்தாமல் இருந்து வந்தனர். இந்நிலையில், வீடு வாடகைக்கு எடுத்திருந்தாலும், தொழில் செய்பவர்கள், அதாவது ஜிஎஸ்டியில் பதிவு செய்தவர்கள் வாடகை தொகைக்கு ஜிஎஸ்டி செலுத்த வேண்டும்.

Subscribe
Notify of
0 Comments
Inline Feedbacks
View all comments
0
Would love your thoughts, please comment.x
()
x