Saturday, May 18, 2024

ராஜா ராணி 2 சீரியலில் இருந்து விலகும் வில்லி நடிகை: ஆல்யாவை தொடர்ந்து இவுங்களா.?

by Talks Tamil
0 comment 288 views

விஜய் டிவியில் ஒளிபரப்பாகி வரும் பிரபலமான சீரியல்களில் ஒன்று ராஜா ராணி 2. ராஜா ராணி சீசன் 1 சீரியலில் சஞ்சீவ் – ஆலியா மானசா நடித்தனர். இந்த சீரியலில் நடிக்கும் போதே இருவரும் காதலித்து, திருமணம் செய்து கொண்டனர். இந்நிலையில் சீசன் 2 சீரியலில் இருந்து முக்கியமான பிரபலம் ஒருவர் விலகுவதாக வெளியாகியுள்ள தகவல் ரசிகர்கள் மத்தியில் அதிர்ச்சியை ஏற்படுத்தியுள்ளது

ராஜா ராணி 2 சீரியலில் ஹீரோவாக சித்து சித் மற்றும் ஹீரோயினாக ஆலியா மானசா நடித்தனர். ஆனால் ஆலியா நிஜத்தில் இரண்டாவது குழந்தைக்கு கர்ப்பமாக இருந்ததால் இந்த சீரியலில் இருந்து விலகினார். ஆலியாவிற்கு பதில் ரியா விஸ்வநாதன் தற்போது லீட் ரோலான சந்தியா ரோலில் நடித்து வருகிறார்.

ஐபிஎஸ் கனவுகளுடன் வளரும் ஒரு பெண், தனது கணவரின் உதவியுடன் எவ்வாறு பல தடைகளை தாண்டி, தனது கனவை அடைகிறாள் என்பது தான் கதை. இந்த சீரியல் தற்போது 500 எபிசோட்களை நெருங்கி வருகிறது. இந்த சீரியலில் அர்ச்சனாவின் வில்லத்தனத்திற்காக பலரும் விரும்பி பார்த்து வருகின்றனர்.

இந்நிலையில் விஜே அர்ச்சனா ராஜா ராணி 2 சீரியலில் இருந்து விலகி உள்ளதாக தகவல்கள் வெளியாகியுள்ளது. முதல் சீரியலே அவருக்கு நல்ல ரீச்சை வாங்கி தந்தது. விஜய் டிவி விருதினையும் சிறந்த வில்லிக்காக கைப்பற்றினார். இந்நிலையில் அர்ச்சனா திடீரென்று சீரியலை விட்டு விலகி இருப்பதாக வெளியாகியுள்ள தகவல் ரசிகர்கள் மத்தியில் அதிர்ச்சியை ஏற்படுத்தியுள்ளது.

மேலும் அர்ச்சனா ரோலில், ஈரமான ரோஜாவே சீரியல் புகழ் அர்ச்சனா குமார் நடிக்க இருப்பதாகவும் செய்திகள் வெளியாகியுள்ளன. இவர் தற்போது சன் டிவியில் ஒளிபரப்பாகி வரும் செல்லம்ம சீரியலிலும் ஹீரோ சித்தார்த்தின் தங்கையாக நடித்து வருவது குறிப்பிடத்தக்கது.

Subscribe
Notify of
0 Comments
Inline Feedbacks
View all comments
0
Would love your thoughts, please comment.x
()
x